Selamat Taun Baru 2015

Awak ka samoa kitai betuchung baka bukit, bekebung baka langit,

meruan lantang senang ibun Allah Taala,

bulih duit, bulih ringgit, bulih anak bulih telesak

anak uchu kitai jemah ila,

Mega pandai terbilang

Nadai lebu maya bersekula

Enda rugi maya bekerja.

Baka paku sulur gelung
Baka tubu sulur rebung
Baka kulat sulur tuchung
Baka wi tampung tali
Baka rutan tampung danan

Pechah periuk tanah ganti periuk besi

Parai orang ka tuai ganti tubuh kami

Padam bulan ganti mata hari

Aram kitai sama ngampun diri sama diri,

Nunda ka ajar dalam bup kudus kitai.

Engka ulah kitai ngelama tu enda ngelantang ka pangan,

Enti bisi sambut kitai enda badas,

Sema bisi jaku kitai enda ngeyamai ka ati.

Leboh nuan macha tu, ukai penudi,

Tang kitai berambu kaban

Badu belaya, badu bertuchuk

Awak ka kitai enda semina numpang aja

Tang jemah ulih nyadi kepala menteri.